SANTA AGEDA BEZPERA

Otsailaren 4an, preso eta iheslarien aldeko koadrila kantaria kalera aterako da Santa Ageda bezpera dela-eta. 

Zapatuan, goizeko 11:00etan aterako dira Txokutik eta Kamiñazpi aldera egingo dute. Eta handik buelta gero Itsasaurreraino.

Aurten gainera errepertorio berriarekin datoz, herriko bertsolariek kopla berriak idazti dituzte-eta. Milesker eurei. 

Parte hartu nahi duzuen guztiok, ongietorriak izango zarete. Beraz, badakizue makilak hartu eta etorri!

Eta ez baduzue etorri nahi, lasai, jendea gu entzuteko eta txaloa jotzeko ere beharko dugu-eta!

Santaeskean batzen den diru guztia preso eta iheslarien senideei bideratuko zaie.

Kantarien entsaioak ere datorren astean izango dira Txokoan, egun bitan eta iluntzean, eta kantuzale guztiok gonbidatuta zaudete gurekin etortzera. 

Beraz, badakizue: hasi eztarriak eta makilak berotzen! EUP!

SANTA AGEDA BEZPERAKO KOPLAK • “EIN DAIGUN BIDI”

Santa Agedak sufritu zuen

Tortura eta kartzela

Esan liteke garai hartako

Egoeran gagozela

Etsaiak nola hil zuten bera

Fedea medio zela

Herri zahar honen fedea dugu

Agedarena bezela.

Bihotz barrengo karraxia zen

Agedaren abestia

Bere fedea azalduz beti

Nahiz odoletan bustia.

Herri zapaldu batek ez dakar

Kanta goxo ta eztia:

Aho batean eskatzen dugu

Gudarien AMNISTIA!

Izar gidari paregabeak

Zarete zeru beltzean

Nondik ta nora jo badakigu

Dizdira hori heltzean.

Nahiz espetxean gordeta eduki

Hor bakardade hotzean

Zuen irudi garbia dago

Herriaren bihotzean.

Demokrazia lortu ta gero

Ez ote goaz atzera?

Abertzaleak hartzen gaituzte

Kriminal arrunt antzera

Ohitura zahar hau dela medio

Kantuz gatoz eskatzera:

Errefuxiatu, deportatu eta

Preso guztiak ETXERA! (berriro)